Սաշա Սուլթանյանի խոսքով՝ Հայաստանը միակ երկիրն է, որտեղ եզդիները կարողանում են իրենց մշակութային դեմքը պահպանել: Եթե այս կոտորածը մեկ դար էլ շարունակվի, ապա եզդի ժողովուրդն Իրաքից իսպառ կվերանա։ Տարբեր երկրներում հայկական սփյուռքը կարող է օժանդակություն ցուցաբերել եզդիներին։ Եզդիների փրկության միակ երաշխիքը կլինի եզդիների համայնքի նկատմամբ վերաբերմունքի փոփոխությունը և ինքնավարության ստեղծումը:
Նրա խոսքով՝ թեև միջազգային հանրությունն արձագանքում է, սակայն կոնկրետ քայլեր այդ կոտորածների դեմ չի ձեռնարկում։
Սաշա Սուլթանյանը լրագրողներին տեղեկացրեց, որ եզդի համայնքն այս առիթով Հայաստանի աջակցությունն է խնդրում և այսօր խնդրանք-նամակ կհանձնեն ՀՀ արտգործնախարարին և սփյուռքի նախարարին:
